La Cultural y Deportiva Leonesa concede la segunda derrota de la temporada tres una remontada en dous minutos
Si dalgo tiene d’especial esta tierra, ye que’l sou espíritu de lluita ye incansable cual Llión feríu que, pesie a las suas mancaduras, nunca nun s’esbarrumba. Porque, onque un cientu d’estocadas atraviesen el sou rampante cuerpu, esti felinu siempres llogrará siguir solmenando zarpazos. La Cultural Leonesa claudicóu nesta ocasión ante’l sou rival. Y ye que nun atraviesan buenos momentos los homes d’Idiákez de cara a la portería rival.
Nuna sumana clave pal futuru de Llión cumo foi esta, el porvenir de los del Bernesga acolúmbrase agora más escuru qu’enantias del pitíu inicial. Ante las carencias n’ataque sumóuse la presencia de las pantasmas na defensa. Esperemos casual. Y pol retrovisor ya s’endilgan los demás carroñeiros tentando de sacar la esmola al Llión feríu.
Tódolos detalles d’El Plantío
Trés meses despuéis, los llioneses visitaban Castiella. Exactamente la sua tiesta. L’alcuentru mostrábase cumo vital pa los intereses de los culturalistas de lluitar por asitiase no cimeiro del grupu. Pero bien ye sabío que nun se puede escomencipiar una sienda pol desiertu ensin augua na cantimplora.
Y ye que la Cultural y Deportiva Leonesa visitaba al Burgos CF en plena crisis goliadora. Y l’alcuentru, que dalgunas llenguas chamaban ‘derbi’, nun sirvíu cumo medicina.
Onque ganas y lluita nun foi lo que faltóu de manu. Dioni y Araujo escomencipioron avisando a los burgaleses conos sous respectivos disparu y cabezazu. Onque las acciones tuvieron un mesmu destinu: el saque de puerta. Del mesmu xeitu que Saúl Berjón y Juanma devolvían los restos a los llioneses. Cono mesmu resultáu.
Navarro pudo fincar la llinde entre un disparu fallíu y unu certeiru. Mas el sou tiru prefiríu gastar poucu rixu y durmir no llargueiru. Ironía de la vida, el gol en propia qu’una sumana atrás supuxera’l tantu en contra del club del Bernesga, güei revistíuse conos colores de la bandera de Llión. Y ye qu’un centru de Dioni tuvu na tiesta d’Elgezabal al rematador perfectu.
Cono tantu en propia, l’actitú superior de los castellanos foi esmoreciendo. Onque todo ello cambióu nel intre en que Barovero salvaba al sou equipu tres detener con éxitu un manu a manu de Dioni. Raru nél, el sou tantu tuvo la posibilidá de cambiar l’alcuentru.
L’empiezu de la segunda mitá valtóu, literalmente, el partíu. Cumo si de la poción secreta de Michael Jordan en ‘Space Jam’ se tratara, los de Calero salieron a por todas. Y del esfuerciu ruchóu la recompensa. Un fallu na marca de la retaguardia culturalista dexóu solu a Juanma frente a Zubiaurre que, a malpenas unos centímetros de la llinia de gol, univóu a golpe de madreña l’esféricu a la rede.
D’igual forma qu’escasos dous minutos despuéis. Un tremendu error de Castañeda a la más pura manera d’Isaac Carcelén sirvíu pa dexar cantáu’l tantu de Medina. Cousas del destinu, un llionés foi’l verdugu de todu un Reinu. Pa los más historiadores, sería cumo si Bellido Dolfos, infiltráu nas filas castellanas, diera muerte a Alfonso VI y non a Sancho II.
Tres esta calamidá, el xuegu de los visitantes sumíuse del mesmu xeitu que lo ficiera’l gol va ya tiempu. Zubiarre asitióuse cumo’l meyor de los d’Idiákez. Y ye que si nun fuera pol vascu, los del Bernesga volverían a las llindes de la Rexón con una cuéndiga de goles na fardela.
Intentóronlo ya no cabu cona entrada de Pipo y Rovirola. Pero’l guión ya estaba escritu, y el resultáu esturáu. La Cultural y Deportiva Leonesa foi derrotada en tierras enemigas, teniendo qu’esqueicer l’agarrada pol primer puestu. Agora, los llioneses han mirar hacia atrás. Exactamente a esos persiguidores que ya s’alcuentran cerquitina.
Esperemos qu’esta crónica aporte un granín d’arena na visibilidá que’l llionés tien anguaño, conas suas respectivas variantes, en Llión, Zamora y Salamanca. Con ello queda aguardar que vos prestara y que, amigos lectores, tengan un feliz Día de la Llengua Materna.
Semeyes: Tomás Alonso
Traducción: Xairu López
